शिंदे-फडणवीस-पवार यांचा 'तो' पसरवलेला व्हिडिओ चुकीचा? मुख्यमंत्र्यांचे स्पष्टीकरण, 'अत्यंत खोडसाळपणाने...'

मराठा आरक्षणासंदर्भात घेण्यात आलेल्या बैठकीनंतर राज्य सरकारकडून एक पत्रकार परिषद घेण्यात आली. ह्या पत्रकारपरिषदेचा एक व्हिडिओ सध्या सोशल मीडियावर व्हायरल होत आहे. ज्या व्हिडिओवरुन एकनाथ शिंदे, देवेंद्र फडणवीस आणि अजित पवार यांच्यावर पर्यायाने राज्य सरकारवर टीका केली जात आहे. परंतू ह्या व्हिडिओबद्दल आता थेट मुख्यमंत्र्यांकडून स्पष्टीकरण आले आहे. ( Maratha Reservation Eknath Shinde Devendra Fadnavis Ajit Pawar press conference video Viral )

“मराठा आरक्षणविषयक सर्वपक्षीय बैठकीनंतर सह्याद्री अतिथिगृह येथे पत्रकार परिषदेपूर्वी आपला आणि उपमुख्यमंत्री देवेंद्र फडणवीस, अजित पवार यांचा माईकवरील संवाद ‘सोशल मीडीया’वरून चुकीच्या पध्दतीने संपादित करुन फिरविणे अत्यंत खोडसाळपणाचे आहे. मराठा आरक्षणाबाबत सरकार सुरुवातीपासून संवेदनशील असून कायद्याच्या चौकटीत बसेल असे आरक्षण देण्याबाबत सरकार प्राधान्याने काम करीत आहे. तसेच मराठा आरक्षणाबाबत पहिल्यांदाच अशा सर्व पक्षांच्या नेत्यांना एकत्र बोलावून या विषयी त्यांचे एकमत घेण्यात आले आहे. शासनाने इतकी चांगली भूमिका घेतली असतांना मुद्दामहून काही विरोधक खोडसाळपणे आणि व्हिडीओ क्लिप चुकीच्या पद्धतीने संपादित करून लोकांच्या मनात गैरसमज पसरविण्याचे काम करीत आहेत हे अतिशय निंदनीय आहे. आमच्या एकमेकांमधील संवादाची मोडतोड करून संपादित करून दाखवून या घटकांनी जाणीवपूर्वक निंदनीय कृत्य केले आहे. शासन एकीकडे या संवेदनशील विषयावर ठोस भूमिका आणि निर्णय घेत आहे. अशा पार्श्वभूमीवर समाजात सोशल मीडियातून गैरसमज निर्माण करण्याचा कृत्याचा निषेध करावा तेवढा कमीच आहे.” असे मुख्यमंत्री एकनाथ शिंदे यांनी म्हटले आहे.

काय आहे व्हिडिओ?