Dainik Maval News : वाढत्या उष्णतेचा तडाखा, तर काही ठिकाणी नागरिकांच्या निष्काळजीपणाचा परिणाम म्हणून तळेगाव दाभाडे शहरात एका दिवसात चार वेगवेगळ्या ठिकाणी आगीच्या घटना घडल्या होत्या. यामुळे नागरिकांमध्ये भीतीचे वातावरण निर्माण झाले. परंतु, या सर्व घटनांमध्ये अग्निशामक दलाने दाखवलेली तत्परता आणि धाडस यामुळे मोठा अनर्थ टळला.
पहिली घटना –
शहरातील एका बंद घरात अचानक आग लागल्याची घटना समोर आली. घर बंद असल्यामुळे परिस्थिती अधिक गंभीर बनली होती. अशा वेळी अग्निशामक दलाने वेळ न दवडता दरवाजा तोडून आत प्रवेश केला आणि शिताफीने आगीवर नियंत्रण मिळवले. या कारवाईमुळे मोठे नुकसान टळले.
दुसरी घटना –
शहरातील दोन ठिकाणी वाळलेल्या गवताला लागलेल्या आगी काही क्षणांत वेगाने पसरत होत्या. मात्र, अग्निशामक कर्मचाऱ्यांनी तात्काळ घटनास्थळी धाव घेत अल्पावधीतच या आगी आटोक्यात आणल्या. त्यामुळे संभाव्य मोठा धोका टळला.
तिसरी घटना –
तळेगाव-चाकण महामार्गावरील भारत पेट्रोलियमजवळ उभ्या असलेल्या डिझेल टँकरला अचानक आग लागल्याची गंभीर घटना घडली. या घटनेमुळे परिसरात भीतीचे वातावरण निर्माण झाले होते. स्फोटाचा धोका लक्षात घेता परिस्थिती अत्यंत संवेदनशील होती. मात्र, अग्निशामक दलाने जीवाची पर्वा न करता अथक प्रयत्न करत ही भीषण आग विझवली आणि मोठा अनर्थ टाळला.
दरम्यान या धाडसी कार्याबद्दल तळेगाव दाभाडे नगरपरिषद अग्निशामक दलातील अधिकारी संतोष तेलगे व कर्मचारी निरंजन भेगडे, अनुपम सिंग, शुभम काळोखे, अक्षय घोडेकर, ओम भेगडे, आकाश ओव्हाळ, शेखर खोमणे, भास्कर माळी आणि बाळू ठाकर यांचा नगराध्यक्ष संतोष दाभाडे (पाटील), मुख्याधिकारी गिरीश दापकेकर तसेच नगरसेवकांच्या हस्ते सन्मान करण्यात आला.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– मावळमधील बौर, करूंज, ब्राम्हणवाडी येथील प्रस्तावित एमआयडीसीसाठी जमीन खरेदी-विक्रीचे व्यवहार तात्पुरते बंद
– तळेगाव दाभाडे शहरवासीयांना पाणी प्रश्नाबाबत मोठा दिलासा ! आंद्रा धरणातून ५.०१४ MCM पाणी आरक्षणास मंजुरी
– गणपूर्ती होत नसल्याने मावळ तालुका कृषी उत्पन्न बाजार समिती बरखास्त ! प्रशासक म्हणून सहाय्यक निबंधक नवनाथ अनपट यांची नियुक्ती
– वडगाव मावळ येथे स्व. पै. केशवराव ढोरे प्रतिष्ठान आयोजित १३ व्या सामुदायिक विवाह सोहळ्यात सात जोडप्यांचे शुभमंगल सावधान
