वडगाव नगरपंचायतचे नगराध्यक्ष मयूर ढोरे यांच्या वाढदिवसानिमित्त (14 फेब्रुवारी) मोरया प्रतिष्ठान आणि सनराईज मेडिकल फाउंडेशन यांच्या संयुक्त विद्यमाने वडगाव मावळ येथे दिनांक 12 फेब्रुवारी रोजी महाआरोग्य शिबिराचे आयोजन करण्यात आले होते. या शिबिरात वडगाव शहरातील हजारो रुग्णांनी मोफत औषधोपचाराचा लाभ घेतला.
मोरया प्रतिष्ठान आणि सनराइज मेडिकल फाउंडेशनच्या वतीने रविवारी (12 फेब्रुवारी) एक दिवसीय शिबिराचे आयोजन करण्यात आले होते. यात वडगाव शहरातील सुमारे अडीच ते तीन हजार रुग्णांनी सहभागी होऊन मोफत औषधे व उपचार घेतले. महाआरोग्य शिबिर भव्य स्वरूपात राबवण्यात येत असताना येथे येणाऱ्या प्रत्येक नागरिकांची मोरया महिला प्रतिष्ठान आणि मोरया ढोल पथकातील स्वयंसेवकाच्या माध्यमातून शिस्तबद्ध पद्धतीने नोंदणी करून तसेच मदत कक्षाद्वारे रुग्णांना आवश्यक ते सहकार्य केले जात होते. ( Mahaarogya Camp In Vadgaon Maval City Thousands Of Citizens Took Benefit Of Free Medicine )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
मोरया प्रतिष्ठान व सनराइज मेडिकल फाउंडेशनने आयोजित केलेल्या महाशिबिरात आदित्य बिर्ला हॉस्पिटल, रुबी एलकेअर हॉस्पिटल, लोकमान्य हॉस्पिटल, इंडियन डेंटल असोसिएशन, डी वाय पाटील हॉस्पिटल, फिनिक्स हॉस्पिटल, डॉ. अग्रवाल नेत्र रुग्णालय, मायमर हॉस्पिटल, TGH आँन्को लाईप कॅन्सर सेंटर, साईदीप, स्पर्श अशी विविध नामांकीत रुग्णालये शिबिरात सहभागी झालेली होती. शिबीरात प्रत्येक हॉस्पिटलचे वेगवेगळे विभाग केले असल्याने नागरिकांची आरोग्य तपासणी करून रुग्णांना तत्काळ मोफत औषधे व उपचार उपलबध करून देण्यात सोपे झाले होते.
यावेळी शहरातील सुमारे 700 रुग्णांनी डोळ्यांची तपासणी केली असता यातील एकूण 570 रुग्णांना मोफत चष्मे वाटप करण्यात आले. शहरातील नागरिकांनी आरोग्य शिबिरात तपासणी केल्यानंतर ज्या रुग्णांना हृदय, अन्ननलिका, मोतीबिंदू, हाडाचे फ्रॅक्चर कान नाक घसा, मुतखडा, सांधे, अपेंडिक्स, मुळव्याध, दंतचिकित्सा, हर्निया, पित्ताशय व पित्ताशयातील खडे, मूत्रशयाचे कॅन्सर, गर्भाशयातील गाठी डोळ्यांच्या व मेंदूच्या इत्यादी शस्त्रक्रिया करण्याची आवश्यकता आहे, अशा रुग्णांना त्यांच्या सोयीनुसार पुणे, पिंपरी, चिंचवड तसेच मुंबई येथील नामांकित रुग्णालयांमध्ये मोफत किंवा अतिशय अत्यल्प दरात पुढील दिवसांत शस्त्रक्रिया करण्यात येणार असल्याची माहिती अबोली ढोरे आणि सनराइज फाउंडेशनचे अध्यक्ष रोशन मराठे त्यांनी माहिती दिली. ( Mahaarogya Camp In Vadgaon Maval City Thousands Of Citizens Took Benefit Of Free Medicine )
आरोग्य शिबिराचे उद्घाटन माजी राज्यमंत्री मदन बाफना, राष्ट्रवादी काँग्रेसचे तालुका अध्यक्ष गणेश खांडगे, मोरया महिला प्रतिष्ठान अध्यक्षा अबोली ढोरे, सनराइज मेडिकल फाउंडेशनचे अध्यक्ष रोशन मराठे, तळेगाव नगरपरिषदेचे उपनगराध्यक्ष गणेश काकडे, उपनगराध्यक्ष राजेंद्र कुडे, माजी उपसरपंच पंढरीनाथ ढोरे आणि मान्यवरांच्या उपस्थितीत संपन्न झाले. यावेळी उपस्थित असलेल्या मान्यवरांच्या हस्ते अपंग रुग्णांना मोफत व्हिल चेअर आणि वाॅकर चे वाटप करण्यात आले.
अधिक वाचा – भीषण अपघाताने महाराष्ट्र हादरला! पुणे-नाशिक महामार्गावर महिलांच्या घोळक्याला भरधाव वाहनाची धडक, 5 महिला ठार
यावेळी जेष्ठ नेते मंगेश ढोरे, तज्ञ संचालक सुभाषराव जाधव, माजी उपसरपंच तुकाराम ढोरे, चंदुकाका ढोरे, सुनिल चव्हाण, बारकू ढोरे, सुरेश कुडे, शांताराम कुडे, नितीन भांबळ, नगरसेवक राहुल ढोरे, चंद्रजी ढोरे, नगरसेविका पुनम जाधव, शारदा ढोरे, माया चव्हाण, रा. युवक अध्यक्ष अतुल वायकर, गणेश पवार, धिरज लोहार सर, नंदकुमार कलांगते, सचिन कडू, नितीन चव्हाण, सुरेश जांभुळकर, मंगेश खैरे, गणेश महाळस्कर, गणेश बरदाडे, सोमनाथ धोंगडे, युवराज ढोरे, महेंद्र ढोरे, शरद ढोरे, गणेशभाऊ ढोरे, सिद्धेश ढोरे, मयुर गुरव आणि मोरया महिला प्रतिष्ठानच्या संचालिका, सदस्या, मोरया ढोल पथक सभासद, शहरातील सर्व पत्रकार बांधव, वडगाव शहर राष्ट्रवादी काँग्रेसचे आजी-माजी पदाधिकारी, कार्यकर्ते तसेच नागरिक मोठया संख्येने उपस्थित होते.
आरोग्य शिबिरात सहभागी झालेल्या सर्व डॉक्टर्स बांधवांचे तसेच सनराइज फाउंडेशनचे पदाधिकारी यांना मोरया प्रतिष्ठानच्या वतीने मयूर ढोरे आणि अबोली ढोरे यांच्या हस्ते सन्मानचिन्ह आणि प्रशस्त पत्रक देऊन सन्मानित करण्यात आले.
अधिक वाचा –
– खासदार बारणेंच्या वाढदिवसानिमित्त विविध कार्यक्रमांची रेलचेल; क्रिकेट स्पर्धा ते बैलगाडा शर्यत, वाचा कधी, कुठे काय ते?
– वडगाव नगरपंचायतमार्फत आयुष्यमान भारत योजनेअंतर्गत लाभार्थी नोंदणी आणि डिजिटल कार्ड वाटप शिबीर
