दिनांक 10 मार्च (शुक्रवार) रोजी तिथीनुसार शिवजयंती साजरी करण्यासाठी किल्ले मल्हारगड इथून शिवज्योत घेऊन मावळ तालुक्यात शिलाटणे गावातील शिवभक्त परतीच्या मार्गावर असताना पुणे तील ताथवडे जवळ त्यांच्या वाहनाचा अपघात झाला होता. या अपघातात शिलाटणे गाव आणि मावळ तालुक्यातील इतर काही गावांतील एकूण 33 शिवभक्त जखमी झाले होते. त्यापैकी एका दहा वर्षीय शिवभक्ताचा आज (गुरुवार, दिनांक 16 मार्च) रोजी उपचारादरम्यान मृत्यू झाला आहे.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
हि दुःखद बातमी समोर येताच शिलाटणे गावासह संपूर्ण मावळ तालुक्यावर शोककळा पसरली आहे. ( Maval Taluka Injured 10 Years Old Shivbhakt Of Shilatane Village Died During Treatment Pune )
वय वर्षे 10 असलेल्या चिमुकल्या शिवभक्ताचा मृत्यू झाला आहे. सदर अपघातात तो गंभीर जखमी झाला होता. त्याच्यावर शस्त्रक्रिया करण्यात आली होती. मात्र आज दुपारच्या सुमारास रावेत येथील ओजस हॉस्पिटलमध्ये उपचारादरम्यान त्याची प्राणज्योत मालवली. चिमुकल्याची मृत्यूशी सुरू असलेली झुंज अपयशी ठरली आणि संपूर्ण मावळ तालुक्यावर शोककळा पसरली आहे.
अधिक वाचा –
– मुख्यमंत्री शिंदेंनी व्हिडिओ कॉलद्वारे साधला मावळ तालुक्यातील जखमी शिवभक्तांशी संवाद – पाहा व्हिडिओ
– आदिवासी समाजाच्या विविध प्रश्नांसाठी खासदार बारणेंच्या उपस्थितीत मावळ पंचायत समिती कार्यालयात बैठक संपन्न
