देहू येथे लोणारी समाज सेवा संघातर्फे दहावी, बारावीच्या गुणवंत विद्यार्थ्यांचा भव्य सत्कार

Dainik Maval News : “शिकेल समाज, जिंकेल समाज; गुणवंतांच्या पाठीवरती कौतुकाचा हात” या ब्रीदवाक्याला साजेसा दहावी व बारावी परीक्षेत यश संपादन केलेल्या गुणवंत विद्यार्थी-विद्यार्थिनींचा गुणगौरव सोहळा लोणारी समाज सेवा संघ, श्री क्षेत्र देहू यांच्या वतीने उत्साहपूर्ण वातावरणात संपन्न झाला. संत गाडगे महाराज धर्मशाळा, १४ टाळकरी कमानी शेजारी, श्री क्षेत्र देहू येथे आयोजित या कार्यक्रमास समाजबांधव, पालक व विद्यार्थी मोठ्या संख्येने उपस्थित होते.

कार्यक्रमाच्या अध्यक्षस्थानी देहू नगरपंचायतीच्या नगराध्यक्षा पुजा अमोल दिवटे होत्या. प्रमुख पाहुणे म्हणून नाथा काळेल (उद्योजक, वाकड), लहू विश्वनाथ नरळे सीए (वडगाव धायरी, पुणे) तसेच रुपेश फोंडे (डायरेक्टर, वृंदा गुरुकुल फाउंडेशन अँड अकॅडमी) उपस्थित होते. कार्यक्रमाच्या प्रारंभी लोणारी समाजरत्न पितामह विष्णुपंत दादरे यांच्या प्रतिमेचे पूजन व दीपप्रज्वलन करून कार्यक्रमाची सुरुवात करण्यात आली.

लोणारी समाज सेवा संघाच्या वतीने मान्यवरांचे शाल व श्रीफळ देऊन स्वागत व सत्कार करण्यात आला. यानंतर दहावी व बारावी परीक्षेत यश मिळवलेल्या एकूण १९गुणवंत विद्यार्थी-विद्यार्थिनींना सन्मानपत्र व ट्रॉफी प्रदान करून गौरविण्यात आले. तसेच समाजातील समाजप्रिय व्यक्तिमत्त्व महेंद्र सोडमिसे (तळेगाव दाभाडे) यांनी सर्व गुणवंत विद्यार्थ्यांना भेटस्वरूप १९फाईल्स देऊन त्यांचे कौतुक केले.

यावेळी प्रमुख पाहुण्यांनी विद्यार्थ्यांना शिक्षणाचे महत्त्व, स्पर्धा परीक्षांची तयारी, करिअरच्या विविध संधी आणि जीवनातील यशाचे मंत्र याबाबत मार्गदर्शन केले. विशेषतः रुपेश फोंडे यांनी “दहावी-बारावीनंतर काय?” या विषयावर सविस्तर करिअर मार्गदर्शन करून विद्यार्थ्यांना योग्य दिशा दिली. अध्यक्षीय भाषणात पुजा दिवटे यांनी विद्यार्थ्यांनी मोठी स्वप्ने पाहून कठोर परिश्रमाच्या बळावर ती पूर्ण करण्याचा संदेश दिला. काही विद्यार्थी-विद्यार्थिनींनीही आपले मनोगत व्यक्त करून समाज संघटनेचे आभार मानले.

कार्यक्रमास पत्रकार विजय धंगेकर (जयसिंगपूर) तसेच प्राध्यापिका सुरेखा आवटे यांची विशेष उपस्थिती लाभली. संघाचे उपाध्यक्ष भगवंत आवटे यांनी प्रास्ताविक व सूत्रसंचालन केले. संघाचे अध्यक्ष अमोल करांडे व संघाचे मार्गदर्शक प्रा.अजित गंगनमले यांनी विद्यार्थ्यांना प्रेरणादायी मार्गदर्शन केले. यावेळी संतोष गळवे, नवनाथ काळेल, एकनाथ राणे, गुलाब नरळे, दीपक खोत यांच्यासह समाजातील अनेक मान्यवर उपस्थित होते. कार्यक्रमाचे आभार प्रदर्शन संघाचे सचिव संदीप करचे यांनी केले. कार्यक्रमानंतर उपस्थितांसाठी अल्पोपहाराची व्यवस्था करण्यात आली होती.

गुणवंत विद्यार्थी
इयत्ता बारावी
श्रीधर रामदास सांगोलकर, आकांक्षा घनश्याम गवंड, क्रिश अतुल करांडे, प्रणव शांताराम करचे, ऋषिकेश दीपक खोत, वेदिका जानकीराम बोरचाटे, संस्कृत चिंतू शिंदे, वेदांत विठ्ठल आटपाडकर, प्रांजल अजित गंगनमले,
इयत्ता दहावी
प्रज्वल संदीप आटपाडकर, वैष्णवी दत्ता राणे, भक्ती संतोष होळकर, सान्वी दादासाहेब आटपाडकर, स्मिता उत्तम हिप्परकर, गणेश नारायण घेरडे,सोहम सुरेश करांडे, दिव्या नवनाथ गळवे, हर्षद अजित होळकर, श्रावण विजय धंगेकर

( दैनिक मावळचा व्हॉट्सअ‍ॅप चॅनेल जॉइन करण्यासाठी इथे क्लिक करा )
अधिक वाचा :
– प्रस्तावित बऊर-करुंज-ब्राह्मणवाडी एमआयडीसी प्रकल्प : स्थानिक ग्रामस्थांचा विरोधी सूर कायम
– खासदार श्रीरंग बारणे : बारा वर्षात लोकसभेतील चर्चेत सर्वाधिक सहभाग ; ३६ खासगी विधेयके सादर, ९६ टक्के उपस्थिती
– आषाढी वारीसाठी जगद्गुरू संत तुकाराम महाराज पालखी सोहळ्याचे वेळापत्रक जाहीर ; ७ जुलैला होणार पंढरपूरकडे प्रस्थान
– तळेगाव दाभाडे येथे अल्पवयीन मुलीचा विनयभंग, फोटो व्हायरल करण्याची धमकी देत अत्याचार, तिघांविरुद्ध गुन्हा दाखल